O‘shMU FK futbolchilari. O‘shMU matbuot xizmati fotosurati
O‘zbekiston so‘nggi bir necha mavsum davomida Qirg‘iziston jamoalariga legionerlarni yetkazib beruvchi asosiy manba bo‘lib kelgan. Masalan, bu mavsumda 30 dan ortiq o‘zbek futbolchilari Qirg‘iziston klublaribuyurtmasida bo‘ldi. Bu futbolchilarning ba’zilari o‘z jamoalarining haqiqiy yetakchilari. «Farg‘ona» 2025 yilgi Qirg‘iziston Premer-ligasining eng yaxshi 10 nafar o‘zbek futbolchilari ro‘yxatini tuzdi.
Ildar Mamatkazin («Alay») — faxriy, markaziy himoyachi, sardor va himoyaning haqiqiy ustuni. U yil boshida «Andijon»dan kelib qo‘shildi. U mavsumning ko‘p qismida to‘liq vaqt o‘ynadi. «Alay»ning barcha musobaqalardagi 30 ta o‘yinidan 27 tasida maydonga tushib, bitta gol urdi. Jamoa beshinchi o‘rinni egalladi va Kubok yarim finaliga chiqdi. Ammo shuni yodda tutish kerakki, bu yil chempionatdagi raqobat shiddatli bo‘ldi.
Ildar Mamatkazin. KPFL fotosurati
Andrey Sidorov (O‘shMU) — haqiqiy sardor va jamoa yetakchilaridan biri, u kutilganidan ham ajoyib mavsum o‘tkazdi va hurmatga sazovor oltinchi o‘rinni egalladi. U ikki marta o‘yinning eng yaxshi o‘yinchisi deb topildi va bir nechta muhim gollarni urdi. Sidorov Qirg‘izistonda bir yarim yildan beri o‘ynaydi va bu yerda o‘zini juda qulay his qilayotgani aniq.
Andrey Sidorov. KPFL fotosurati
Azizbek Koshibxonov («Muras Yunayted») — chempionatda ikkinchi o‘rinni egallagan va OFK Chaqiruv ligasi ishtirokchisi. Uni asosiy tarkib o‘yinchisi deb bo‘maydi, lekin maydonda bo‘lganida juda samarali o‘ynaydi. U beshta gol urdi va ikkita golli uzatma berdi. Biroq, «Muras Yunayted»ga o‘tishdan oldin, Koshibxonov yuqori darajada o‘ynamagan, O‘zbekistonning «Navbahor» va «Bunyodkor» klublarining o‘rinbosarlari safida o‘ynagan.
Azizbek Koshibxonov. «Muras Yunayted» matbuot xizmati fotosurati
Sherzod Qodirov (O‘shMU) — Qodirov bu yozda O‘zbekiston Pro-ligasining «Fardu» klubidan O‘shga ko‘chib o‘tdi va darhol yangi jamoaga singib ketdi. Mavsumning ikkinchi yarmidagi 12 ta o‘yinda u 3+2 hisobida ajoyib natija qayd etdi. O‘shMU vakillari tarkibida O‘zbekistondan ko‘plab o‘yinchilar bor va klubga o‘zbekistonlik mutaxassis Lutfilo Madjitov murabbiylik qiladi.
Sherzod Kodirov. KPFL fotosurati
Izzatillo Abdullayev («O‘zgan») — jamoa bu yil shakllandi va buxorolik futbolchi o‘zini juda yaxshi ko‘rsatdi. U barcha musobaqalarda atigi bitta o‘yinni o‘tkazib yubordi. Shuningdek, u yaxshi statistikani ko‘rsatdi – 25 ta liga o‘yinida 5+3. Jamoa juda yaxshi salohiyatga ega bo‘lgan mustahkam o‘rta darajadagi jamoaga aylandi.
Izzatillo Abdullayev. «O‘zgan» matbuot xizmati fotosurati
Maradona Safarov (O‘shMU) — Ligadagi eng yaxshi assistentlardan biri, 25 ta o‘yinda 7 ta assistentlik bilan. O‘shMUning eng muhim o‘yinchilaridan biri. Maradona jamoada ancha vaqtdan beri, 2023 yildan beri o‘ynaydi, shuning uchun uni faxriy deb hisoblash mumkin.
Maradona Safarov. O‘shMU matbuot xizmati fotosurati
Behruz Shodmonov (O‘shMU) — «talabalar»ning yana bir vakili. U maydon markazidagi asosiy o‘yinchi. Uning jamoa uchun ahamiyatini ta’riflash imkonsiz va uni bo‘rttirib ham ko‘rsatolmaysiz. Markaziy yarim himoyachiga yarasha, uning statistikasi ham kamtarona (1+1), ammo maydondagi ish hajmi juda katta.
Behruz Shodmonov. O‘shMU matbuot xizmati fotosurati
Abdug‘ani Komolov («Bishkek Siti») — U mavsumni «Navbahor»dan «Abdish-Ata»ga o‘tish bilan boshladi. Umuman olganda, ishlar yaxshi ketayotgan edi, ammo murabbiylarning doimiy o‘zgarishi tufayli o‘yinchi sustlasha boshladi. Yozda u inqirozga yuz tutgan, yangi tashkil etilgan «Bishkek Siti»ga ko‘chib o‘tdi va u yerda asosiy o‘yinchiga aylandi. Italiyalik murabbiy Kostantino unga ishondi va uni asosiy tarkibga kiritdi.
Abdug‘ani Komolov. «Bishkek Siti» matbuot xizmati fotosurati
Nurmuhammad Toshpulatov («Talant») — «Lokomotiv» da tarbiya olgan futbolchi, u «Mash’al»ga hecham birikolmaydi, ammo «Talant»ning asosiy o‘yinchisiga aylandi. Markaziy yarim himoyachi to‘rtta gol urdi, bu uning pozitsiyasi uchun muhim ko‘rsatkich bo‘ldi. Klub mavsumda barqaror o‘ynolmadidi, ammo Toshpo‘latov deyarli har bir o‘yinda maydonga tushdi.
Nurmuxhmmad Toshpulatov. KPFL fotosurati
Dadaxon Yusupov («Ilbirs») — futbolchi 2021 yildan beri Qirg‘izistonga qatnaydi. U turli vaqtlarda Qo‘chqor-Otaning «Neftchi» va «Abdish-Ata» jamoalarida o‘ynagan. Endi esa, kutilmaganda «Ilbirs»ga o‘tdi va u yerda yoshlarning «tog‘asi»ga aylandi. Uning jamoadoshlari qirg‘izistonlik o‘smirlar bo‘lib, ularning aksariyati 18 yoshga ham to‘lmagan. Dadaxonishlarni uddalay oldi. Hattoki sardorlik bog‘ichini taqib maydonga tushdi. Jamoa o‘z o‘rnini saqlab oldi va hatto vaqti-vaqti bilan yetakchilardan ochkolar tortib oldi. Oxir-oqibat, ular ancha kuchliroq «Bishkek Siti» va «Aziyagol»ni mag‘lub etishga muvaffaq bo‘lishdi. Markaziy yarim himoyachining o‘zi gol urdi va ikkita golli uzatma berdi. Ammo bu uning pozitsiyasi uchun mutlaqo ahamiyat narsa.
Dadaxon Yusupov. KPFL fotosurati
