gov.kz sayti fotosurati
2 dekabr kuni Qozog‘iston va Yevropa Ittifoqi viza rejimini yengillashtirish va readmissiya (immigratsiya qoidalarini buzganlarni o‘z vatanlariga qaytarish) bo‘yicha muzokaralarni boshladilar. Bu haqda «Qozog‘iston-Yevropa Ittifoqi» hamkorlik kengashi yig‘ilishida ma’lum bo‘ldi.
Muzokaralar Bryusselda bo‘lib o‘tmoqda va unga Qozog‘iston Tashqi ishlar vaziri Yermek Kosherbayev va Yevropa Ittifoqining xalqaro hamkorlik bo‘yicha komissari Yozef Sikela raislik qilmoqda.
Qozog‘iston Tashqi ishlar vazirligi ushbu qadam «gumanitar aloqalarni mustahkamlashga, talabalar, olimlar va mutaxassislar uchun imkoniyatlarni kengaytirishga va fuqarolarning harakatchanligini oshirishga katta hissa qo‘shishini» ta’kidladi.
Qozog‘iston fuqarolari uchun viza rejimini yengillashtirish talab qilinadigan hujjatlar ro‘yxatini qisqartirishni va vizalarning amal qilish muddati va sonini uzaytirishni o‘z ichiga oladi. Qozog‘iston va Yevropa Ittifoqi o‘rtasida bu masala bo‘yicha maslahatlashuvlar 2023 yil may oyidan beri davom etmoqda. Qozog‘iston Tashqi ishlar vazirligi vakili Aybek Smadiyarov avvalroq jarayonning murakkabligini Yevropa Ittifoqi bir nechta davlatlardan iborat ekani, ularning har biri bilan alohida muzokaralar olib borish talab etilishini aytib tushuntirgan edi.
2017 yili Qozog‘iston bir tomonlama barcha Yevropa Ittifoqiga a’zo davlatlar fuqarolari uchun biznes hamkorligi va turizmni rivojlantirish maqsadida vizasiz rejimni joriy etgandi.
